Shalinitai PAtil
सातारारोड येथील वैकुंठ स्मशानभूमीत साश्रू नयनांनी अखेरचा निरोप
कोरेगाव दिनाक 21
50 वर्षाहून अधिक काळ राजकारणात सक्रिय भूमिका बजावणाऱ्या राज्याच्या माजी महसूलमंत्री, कोरेगावच्या माजी आमदार डॉ शालिनीताई वसंतदादा पाटील Shalinitai Patil यांच्यावर आज रविवारी सकाळी 11 वाजता येथील वैकुंठ भूमीत शासकीय इतमामात अंत्यसंस्कार करण्यात आले. तालुक्यातील हजारो कार्यकर्त्यांनी त्यांना साश्रू नयनांनी अखेरचा निरोप दिला.
कोरेगाव तालुक्यातील सातारारोड पाडळी येथे आज सकाळी वसंतदादा पाटील विद्यालयात त्यांचे पार्थिव येथील अंत्यदर्शनासाठी ठेवण्यात आले होते यावेळी सातारा जिल्ह्यातील अनेक कार्यकर्त्यांनी व राजकीय नेत्यांनी त्याचे अंतिमदर्शन घेऊन श्रद्धांजली वाहिली यामध्ये राजमाता कल्पनाराजे भोसले, सार्वजनिक बांधकाम मंत्री शिवेंद्रसिंहराजे भोसले, माजी राज्यपाल श्रीनिवास पाटील, सुनील माने अंतिम दर्शन घेत श्रद्धांजली वाहिली.
यानंतर सजवलेल्या रथातून त्यांचे पार्थिव येथील वैकुठ भूमीत आणण्यात आले यावेळी जिल्ह्याचे पालकमंत्री शंभूराज देसाई,राज्याचे ग्रामविकास मंत्री जयकुमार गोरे,सांगलीचे खासदार विशाल पाटील,राज्यसभा खासदार नितीन काका पाटील, राष्ट्रवादी शरद पवार गटाचे प्रदेशाध्यक्ष आमदार शशिकांत शिंदे,कोरेगावचे आमदार महेश शिंदे,कराड उत्तर चे आमदार मनोज घोरपडे, तालीम संघाचे साहेबराव पवार,यांच्यासह हजारो कार्यकर्त्यांनी डॉ शालिनीताई पाटील यांना श्रद्धांजली वाहिली. यावेळी उपस्थित कार्यकर्त्यांनी त्यांना साश्रू नयनांनी अखेरचा निरोप दिला.
………
शासकीय इतमामात डॉ शालिनीताई पाटील यांना पोलिसांची मानवंदना
राज्याच्या माजी महसूल मंत्री,आमदार ,खासदार अशा विविध पदावर सलग 50 वर्ष कार्यरत असलेल्या डॉ शालिनीताई पाटील यांचे काल शनिवारी मुंबई येथील राहत्या घरी 94 व्या वर्षी वृद्धापकाळानं दुखःद निधन झालं होत आज त्याच्यावर सातारा रोड पाडळी येथील वसना नदी तीरावर सातारा पोलिसांनी मानवंदना दिली व शासकीय इतमामात अंतिमसंस्कार करण्यात आले.
