PUNE BREAKING: शिक्रापूर पोलिसांची चाकणमध्ये धडाकेबाज कारवाई
शिक्रापूर (पुणे):
PUNE BREAKING पुणे ग्रामीणच्या गुन्हेगारी जगतातून आणि पोलीस वर्तुळातून या क्षणाची सर्वात मोठी बातमी समोर आली आहे. सुमारे ७८ लाख रुपयांच्या हायप्रोफाईल गुटखा तस्करी प्रकरणात गेल्या तब्बल ५ वर्षांपासून पोलिसांना हुलकावणी देणाऱ्या अतिशय सराईत आणि फरार आरोपीला बेड्या ठोकण्यात शिक्रापूर पोलिसांना अखेर यश आले आहे. गुन्हा दाखल झाल्यापासून वेगवेगळ्या राज्यांत आणि शहरांत ठिकाणे बदलून पोलिसांना गुंगारा देणारा हा मुख्य आरोपी तीन दिवसांच्या थरारक पाठलागानंतर चाकण परिसरातून शिक्रापूर पोलिसांच्या जाळ्यात अडकला आहे.
शिक्रापूर पोलिसांनी हद्दीतील प्रलंबित आणि गंभीर गुन्ह्यांमधील फरार आरोपींचा शोध घेण्यासाठी एक विशेष मोहीम हाती घेतली होती. या मोहिमेदरम्यान पोलीस निरीक्षक चंद्रशेखर यादव यांना गोपनीय बातमीदाराकडून माहिती मिळाली की, ५ वर्षांपासून फरार असलेला आरोपी चाकण परिसरात लपून बसला आहे. माहिती मिळताच सहाय्यक पोलीस निरीक्षक राहुल देशमुख आणि पथकाने चाकण गाठले. आरोपी अत्यंत चाणाक्ष असल्याने पोलिसांनी त्याची ओळख पटवण्यासाठी तांत्रिक विश्लेषण आणि स्थानिक खबऱ्यांची मदत घेतली. सलग ३ दिवस आरोपीवर पाळत ठेवून, त्याचा पाठलाग करून पोलिसांनी अखेर ‘गवते वस्ती, चाकण’ येथे सापळा रचून अत्यंत शिताफीने त्याला ताब्यात घेतले. कायद्याच्या हातापासून ५ वर्षे पळणारा आरोपी अखेर शिक्रापूर पोलिसांच्या तावडीत सापडला.
दिनांक ८ जुलै २०२१ रोजी शिक्रापूर पोलीस स्टेशनच्या हद्दीत बेकायदेशीररी्या प्रतिबंधित गुटख्याची मोठ्या傍णावर वाहतूक आणि साठवणूक केली जात असल्याचा प्रकार उघडकीस आला होता. पोलिसांनी केलेल्या धाडसी कारवाईत तब्बल ७८ लाख रुपयांचा गुटखा आणि वाहतुकीसाठी वापरलेली वाहने असा मोठा मुद्देमाल जप्त केला होता. या प्रकरणी ९ जुलै २०२१ रोजी बापू उर्फ प्रवीण शंकर गवते (वय २२ वर्षे, रा. गवते वस्ती, चाकण, ता. खेड, जि. पुणे) याच्यासह एकूण १३ आरोपींविरोधात गुटखा तस्करी आणि अन्न सुरक्षा कायद्यांतर्गत गुन्हा दाखल करण्यात आला होता. गुन्हा घडला त्यावेळी हा आरोपी गुटखा वाहतूक करणाऱ्या मुख्य वाहनाचा चालक म्हणून काम करत होता आणि गुन्ह्यामध्ये त्याचा थेट सहभाग होता. मात्र, पोलिसांची धाड पडताच तो फरार झाला होता.
Shikrapur Police Arrested Absconding Gutkha Smuggler 2026, Pune Rural Crime News Gutkha Seizure 78 Lakhs, Chakan News Bapu Alias Pravin Shankar Gavate Arrested, Shikrapur Police Station Criminal Raid Update,
अक करण्यात आलेला आरोपी बापू उर्फ प्रवीण गवते हा सध्या शिक्रापूर पोलिसांच्या कोठडीत असून, वरिष्ठ अधिकाऱ्यांच्या मार्गदर्शनाखाली त्याची कसून चौकशी सुरू आहे. ५ वर्षांच्या काळात त्याला कोणी आश्रय दिला? या गुटखा तस्करीचे जाळे कुठपर्यंत पसरले आहे? यामध्ये कोणकोणते मोठे मासे सामील आहेत आणि यामध्ये किती रुपयांची आर्थिक उलाढाल झाली आहे, याचा सखोल तपास आता शिक्रापूर पोलीस करत आहेत. या कारवाईमुळे अवैध गुटखा तस्करांचे धाबे दणाणले आहेत.
गुन्हा कितीही जुना असला आणि आरोपी कितीही हुशार असला, तरी कायद्याचे हात त्याच्यापर्यंत पोहोचतातच, हे या कारवाईने पुन्हा एकदा सिद्ध केले आहे. ही धडाकेबाज कामगिरी पोलीस अधीक्षक संदीप सिंह गिल, अपर पोलीस अधीक्षक शुभम कुमार आणि उपविभागीय पोलीस अधिकारी प्रशांत ढोले यांच्या मार्गदर्शनाखाली पोलीस निरीक्षक चंद्रशेखर यादव, सहाय्यक पोलीस निरीक्षक राहुल देशमुख, सोमनाथ कचरे, पोलीस अंमलदार गणेश येळवंडे, नवनाथ केंद्रे आणि मयूर कुंभार या पथकाने केली आहे.
