New Governor of Maharashtra जिष्णू देव वर्मा यांनी स्वीकारली महाराष्ट्राच्या राज्यपालपदाची सूत्रे;
New Governor of Maharashtra राजभवनात दिमाखदार शपथविधी संपन्न
मुंबई: New Governor of Maharashtra त्रिपुराचे माजी उपमुख्यमंत्री आणि अनुभवी प्रशासक मा. जिष्णू देव वर्मा यांनी आज महाराष्ट्राचे २२ वे राज्यपाल म्हणून शपथ घेतली. मुंबईतील राजभवन (लोकभवन) येथे आयोजित एका विशेष सोहळ्यात मुंबई उच्च न्यायालयाचे मुख्य न्यायमूर्ती श्री. चंद्रशेखर यांनी त्यांना पद आणि गोपनीयतेची शपथ दिली. या सोहळ्यास मुख्यमंत्री देवेंद्र फडणवीस आणि उपमुख्यमंत्री एकनाथ शिंदे व सुनेत्रा अजित पवार प्रामुख्याने उपस्थित होते.
दिमाखदार सोहळा आणि उपस्थिती: शपथविधीनंतर राज्यपाल जिष्णू देव वर्मा यांना भारतीय नौदलाच्या तुकडीकडून ‘गार्ड ऑफ ऑनर’ प्रदान करण्यात आला. या ऐतिहासिक प्रसंगी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा अजित पवार, विधानसभेचे अध्यक्ष, विविध मंत्रिमंडळ सदस्य आणि प्रशासकीय अधिकारी उपस्थित होते. राष्ट्रपती द्रौपदी मुर्मू यांनी ६ मार्च २०२६ रोजी त्यांची नियुक्ती जाहीर केली होती.
राजघराण्यापासून राजकारणापर्यंतचा प्रवास: जिष्णू देव वर्मा हे त्रिपुराच्या प्रसिद्ध माणिक्य राजघराण्याचे वारसदार आहेत. त्यांचा जन्म १५ ऑगस्ट १९५७ रोजी झाला असून, ते ईशान्य भारतातील एक वजनदार नेतृत्व म्हणून ओळखले जातात. १९९० च्या दशकात त्यांनी भारतीय जनता पक्षात प्रवेश केला आणि त्रिपुरामध्ये पक्ष संघटना मजबूत करण्यात मोलाची भूमिका बजावली.
त्रिपुराचे उपमुख्यमंत्री ते तेलंगणाचे राज्यपाल : २०१८ ते २०२३ या काळात त्यांनी त्रिपुराचे उपमुख्यमंत्री म्हणून काम पाहिले. त्यांच्याकडे वित्त, ऊर्जा आणि नियोजन यांसारखी महत्त्वाची खाती होती. महाराष्ट्रात येण्यापूर्वी ३१ जुलै २०२४ पासून ते तेलंगणाचे राज्यपाल म्हणून कार्यरत होते. त्यांच्या या प्रदीर्घ अनुभवाचा फायदा आता महाराष्ट्राच्या प्रशासकीय प्रक्रियेला होणार आहे.
राजकीय महत्त्व: माजी राज्यपाल सी. पी. राधाकृष्णन यांची उपराष्ट्रपती पदावर निवड झाल्याने महाराष्ट्राच्या राज्यपाल पदाचा अतिरिक्त कार्यभार गुजरातचे राज्यपाल आचार्य देवव्रत यांच्याकडे होता. आता जिष्णू देव वर्मा यांच्या नियुक्तीने महाराष्ट्राला एक अभ्यासू आणि पूर्णवेळ राज्यपाल मिळाले आहेत.
हे पण वाचा लेकींच्या जन्माचे अनोखे स्वागत, बारश्याला सुरु केल्या मुलींच्या नावे संस्था आणि गुणवंत महिलांचा गौरव
