Navi Mumbai Airport
Navi Mumbai Airport लोकनेते दि. बा. पाटील यांच्या कार्याचा पंतप्रधानकडून उल्लेख
नवी मुंबई – देशाच्या विकासाच्या दिशेने आणखी एक ऐतिहासिक पाऊल टाकत आज पंतप्रधान नरेंद्र मोदी यांच्या हस्ते Navi Mumbai Airport नवी मुंबई आंतरराष्ट्रीय विमानतळाचे भव्य उद्घाटन करण्यात आले. या सोहळ्याला मुख्यमंत्री देवेंद्र फडणवीस, उपमुख्यमंत्री अजित पवार, केंद्रीय नागरी विमान वाहतूक मंत्री ज्योतिरादित्य सिंधिया, राज्यमंत्री मुरलीधर मोहोळ आणि अडाणी समूहाचे अध्यक्ष गौतम अडाणी यांच्यासह अनेक मान्यवर उपस्थित होते.
जवळपास १९,६५० कोटी रुपयांच्या खर्चाने बांधण्यात आलेल्या या अत्याधुनिक विमानतळामुळे मुंबईच्या छत्रपती शिवाजी महाराज आंतरराष्ट्रीय विमानतळावरील प्रवाशांची गर्दी मोठ्या प्रमाणात कमी होणार आहे.
पंतप्रधान नरेंद्र मोदी यांचे भाषण
पंतप्रधान मोदी म्हणाले, विमानतळाला लोकनेते दि.बा. पाटील यांचे नाव दयावे अशी भूमिपुत्रांची मागणी आहे, राज्यसरकारही त्यासाठी सकारात्मक आहे आहे, आज या अतिशय महत्त्वाच्या क्षणी महाराष्ट्राचे सुपुत्र लोकनेते दि.बा.पाटील यांचे स्मरण करतोय त्यांनी समाजासाठी शेतकऱ्यांसाठी ज्या सेवाभावाने काम केले ते काम आपल्या सर्वांसाठी प्रेरणादायी आहे त्यांचे जीवन सामाजिक जीवनात काम करणाऱ्यांना नेहमी च नेहमीच प्रेरणा देत राहिले आहे अशा शब्दात पंतप्रधान नरेंद्र मोदी यांनी दि.बा. पाटील यांचे स्मरण केले
“नवी मुंबई आंतरराष्ट्रीय विमानतळ हा केवळ एक प्रकल्प नाही, तर भारताच्या नव्या उंचीचा प्रतीक आहे. मुंबईसारख्या आर्थिक राजधानीत दुसरा आधुनिक विमानतळ असणे ही देशासाठी अभिमानाची बाब आहे. या विमानतळामुळे महाराष्ट्रातील उद्योग, व्यापार, पर्यटन आणि रोजगार यांना नवा वेग मिळेल.
‘विकसित भारत २०४७’ या आपल्या संकल्पाकडे वाटचाल करताना अशा प्रकल्पांचा मोठा वाटा आहे. आज महाराष्ट्रातील तरुणाईला जगाशी जोडणारे हे प्रवेशद्वार मिळाले आहे.”
मोदींनी पुढे सांगितले की, “या विमानतळाच्या माध्यमातून सरकार ‘ईज ऑफ ट्रॅव्हल’ आणि ‘ईज ऑफ बिझनेस’ या दोन्ही क्षेत्रात नवे मानक निर्माण करत आहे. देशातील प्रत्येक प्रदेशाला हवाई सेवेशी जोडण्याचे आपले ध्येय आहे.”
Navi Mumbai Airport विमानतळाची वैशिष्ट्ये
या विमानतळाचा पहिला टप्पा पूर्ण झाला असून त्यात एक मोठा टर्मिनल आणि एक रनवे तयार करण्यात आला आहे. पहिल्या टप्प्यात दरवर्षी सुमारे २० दशलक्ष प्रवाशांची क्षमता असेल. डिसेंबर २०२५ पासून नियमित उड्डाणे सुरू होतील अशी अपेक्षा आहे.
‘कमळाच्या फुलावर आधारित’ या विमानतळाची रचना आकर्षक असून, हरित उर्जेचा वापर, पावसाच्या पाण्याचे संकलन आणि अत्याधुनिक सुरक्षा प्रणाली यांचा समावेश करण्यात आला आहे.
मुख्यमंत्री देवेंद्र फडणवीस यांचे भाषण
मुख्यमंत्री फडणवीस म्हणाले,
“हा विमानतळ केवळ मुंबईसाठीच नव्हे तर संपूर्ण महाराष्ट्रासाठी परिवर्तनाचा टप्पा ठरेल. कोकण, पुणे आणि पश्चिम महाराष्ट्रातील नागरिकांना याचा मोठा लाभ होणार आहे.
या प्रकल्पासाठी केंद्र सरकार आणि राज्य सरकारने एकत्र येऊन प्रचंड प्रयत्न केले आहेत. महाराष्ट्र गुंतवणुकीच्या नकाशावर अधिक तेजाने झळकणार आहे.”
उपमुख्यमंत्री अजित पवार यांनीही या प्रकल्पाचे कौतुक करत सांगितले की, “हा विमानतळ म्हणजे विकासाची नवीन दिशा आहे. येथून कोट्यवधी रुपयांचा व्यापार आणि रोजगार निर्माण होईल.”
महाराष्ट्रासाठी नवे उड्डाण, सर्वात भारी विमानतळ
अडाणी समूहाच्या नेतृत्वाखाली सार्वजनिक–खाजगी भागीदारीत हा विमानतळ उभारण्यात आला आहे. विमानतळाचे पूर्ण काम २०३२ पर्यंत चार टप्प्यांत पूर्ण होईल. सर्व टप्पे पूर्ण झाल्यावर दरवर्षी ९ कोटी प्रवाशांची क्षमता या विमानतळात असेल. नवी मुंबई विमानतळ सुरू झाल्याने मुंबई, ठाणे, रायगड परिसरातील आर्थिक आणि औद्योगिक विकासाला गती मिळेल. तसेच, राज्यात गुंतवणूकदारांसाठी नवे संधीचे दरवाजे उघडतील.
हा विमानतळ सुमारे ₹19,650 कोटींच्या खर्चात उभारण्यात आला असून, हा भारतातील सर्वात मोठ्या ग्रीनफिल्ड विमानतळ प्रकल्पांपैकी एक मानला जातो.या विमानतळाची रचना ‘कमळाच्या फुलावर आधारित’ असून, तो पूर्णपणे पर्यावरणपूरक (Greenfield) आहे. येथे सौर ऊर्जा, पावसाच्या पाण्याचे पुनर्वापर, हरित वास्तुरचना आणि प्रगत सुरक्षाव्यवस्था यांचा वापर करण्यात आला आहे.या प्रकल्पाचा पहिला टप्पा आज पूर्ण झाला असून, या टप्प्यात एक रनवे आणि एक अत्याधुनिक टर्मिनल इमारत तयार करण्यात आली आहे. प्रारंभी दरवर्षी सुमारे २० दशलक्ष प्रवाशांची क्षमता या विमानतळात असेल. पुढील टप्प्यांमध्ये ही क्षमता वाढवून ९० दशलक्ष प्रवाशांपर्यंत नेण्याची योजना आहे.
व्यावसायिक सेवा डिसेंबर २०२५ पासून सुरू होण्याची शक्यता असून, त्यानंतर देशांतर्गत आणि आंतरराष्ट्रीय उड्डाणे येथे सुरू होतील. या प्रकल्पात सार्वजनिक–खाजगी भागीदारी (PPP) रचनेचा वापर करण्यात आला आहे.या प्रकल्पामुळे मुंबईच्या विद्यमान छत्रपती शिवाजी महाराज आंतरराष्ट्रीय विमानतळावरील गर्दी कमी होणार असून, देशातील सर्वात आधुनिक आणि कार्यक्षम हवाई केंद्र म्हणून नवी मुंबईची ओळख निर्माण होईल.
