T20 World Cup 2026 ‘विंडीज’चा धुव्वा! टीम इंडियाची सेमी फायनलमध्ये धडाक्यात एन्ट्री.

T20 World Cup 2026 संजू सॅमसनचा ‘रुद्र’ अवतार, नाबाद ९७ धावांची खेळी

कोलकता / वृत्त प्रतिनिधी

कोलकत्याच्या ऐतिहासिक ईडन गार्डन स्टेडिअम मध्ये पार पडलेल्या T20 World Cup 2026 मधील सुपर ८ मधील वेस्ट इंडिजविरुद्धच्या करो या मरोच्या सामन्यात संजू सॅमसनने आपल्या बॅटने टीकाकारांना चोख प्रत्युत्तर दिले आहे. वेस्ट इंडिजने दिलेल्या १९६ धावांच्या विशाल लक्ष्याचा पाठलाग करताना भारताची अवस्था ३ बाद ३८ अशी बिकट झाली होती. मात्र, संजू सॅमसनने ५० चेंडूत नाबाद ९७ धावांची Sanju Samson 97* वादळी खेळी करत भारताला ५ गडी राखून विजय मिळवून दिला. विंडीजचा पाडाव करीत टीम इंडियाने दणदणीत विजय मिळवला, या विजयासोबतच भारताने टी-२० वर्ल्डकप २०२६ च्या सेमी फायनलमध्ये धडक मारली असून आता ४ मार्चला भारताचा सामना इंग्लंडशी होणार आहे.

विंडीजचे डोंगराएवढे आव्हान आणि भारताची अडखळती सुरुवात

नाणेफेक जिंकून भारताने प्रथम गोलंदाजीचा निर्णय घेतला होता, मात्र वेस्ट इंडिजच्या फलंदाजांनी भारतीय गोलंदाजांचा समाचार घेत 20 षटकात 4 बाद 195 धावांचा डोंगर उभा केला. 196 धावांच्या विशाल लक्ष्याचा पाठलाग करताना भारतीय सलामीवीरांनी निराशा केली. अभिषेक शर्मा (10) आणि इशान किशन (10) स्वस्तात बाद झाले. भरवशाचा सूर्यकुमार यादवही केवळ 18 धावा करून माघारी परतला. एका क्षणी भारताची अवस्था बिकट झाली होती आणि दडपण वाढत होते.

संजू सॅमसनची झुंजार खेळी आणि गंभीरचा तो ‘मास्टरस्ट्रोक’

अभिषेक शर्मा (१०), इशान किशन (१०) आणि सूर्यकुमार यादव (१८) स्वस्तात परतल्यानंतर भारतीय संघ दबावाखाली होता. अशा वेळी प्रशिक्षक गौतम गंभीर यांनी डगआऊटमधून संजूला “तू मैदानात टिकून राहा, मला तुझी गरज आहे” असा इशारा केला. गुरुचा हा शब्द संजूने प्रमाण मानला आणि शेवटपर्यंत खिंड लढवली. त्याने अवघ्या २६ चेंडूत अर्धशतक ठोकले आणि शेवटच्या षटकात षटकार-चौकार मारून भारताला विजयाच्या वेशीपार नेले. संजूच्या या खेळीत १२ चौकार आणि ४ उत्तुंग षटकारांचा समावेश होता.

संजूने अवघ्या 26 चेंडूत आपले अर्धशतक पूर्ण केले. त्यानंतर त्याने आपला गिअर बदलला आणि चौकार-षटकारांचा पाऊस पाडला. तिलक वर्मा आणि हार्दिक पंड्या बाद झाले तरी संजूने हार न मानता विंडीजविरुद्ध किल्ला लढवला.

शेवटच्या षटकातील थरार

विजयासाठी शेवटच्या 6 चेंडूत 7 धावांची गरज होती. दबावाच्या क्षणी संजूने पहिल्याच चेंडूवर विशाल षटकार ठोकला आणि दुसऱ्या चेंडूवर कडक चौकार मारून भारताला विजय मिळवून दिला. संजूने 50 चेंडूत 97 धावांची नाबाद खेळी केली, ज्यात 12 चौकार आणि 4 षटकारांचा समावेश होता. त्याचा स्ट्राईक रेट 203.85 इतका प्रचंड होता.

संजूसाठी ‘टर्निंग पॉईंट’ ठरणारी खेळी

India vs West Indies T20 World Cup 2026 वर्ल्डकपपूर्वी फॉर्ममध्ये नसलेल्या संजूला प्लेइंग 11 मध्ये संधी मिळणे कठीण होते. मात्र, नशिबाने आणि जिद्दीने त्याला संधी मिळाली आणि त्याने त्याचे सोने केले. टी-20 वर्ल्डकपमधील हे त्याचे पहिलेच अर्धशतक असून ते भारताला सेमी फायनलमध्ये नेणारे ठरले.

आता लक्ष्य सेमी फायनल: भारत विरुद्ध इंग्लंड

वेस्ट इंडिजला त्यांच्याच घरात धूळ चारल्यानंतर आता टीम इंडियाचे मनोबल उंचावले आहे. भारताचा सेमी फायनलचा सामना 4 मार्चला इंग्लंडविरुद्ध होणार आहे. संजूचा हा फॉर्म पाहता आता भारतीय चाहत्यांच्या अपेक्षा उंचावल्या असून ‘मिशन वर्ल्डकप’ आता अंतिम टप्प्यात पोहोचले आहे.