घिगेवाडी येथे आरोग्य तपासणी शिबीराचे आयोजन

पिंपोडे बुद्रुक,दि.२१

घिगेवाडी ता.कोरेगाव येथे ग्रामपंचायत आणि आधार सामाजिक व शैक्षणिक संस्था यांच्यावतीने आयुर्वेद उपचार आणि आरोग्य तपासणी शिबीर आयोजीत करण्यात आले होते. ग्रामीण भागातील गरजू नागरिकांना चांगली आरोग्य सेवा देता यावी व त्याचे आरोग्यमान सुधारावे यासाठी या शिबिराचे आयोजन करण्यात आले होते.
यामध्ये मान, पाठ, गुडघे, कंबर, ब्लडप्रेशर, शुगर, मुतखडा, थॉयराईड, स्किन व मूळव्याध या आजारा संदर्भात,निरोगी जीवन समृद्ध जीवन म्हणजेच आयुर्वेद या उक्ती प्रमाणे उपचार व मार्गदर्शन करण्यात आले.आरोग्य सल्लागार डॉ.साजिद शेख,आकाश फडतरे, पंडित पाटील यांनी माहिती दिली.
यावेळी सरपंच नारायण सावंत, उपसरपंच तेजस्विनी भोसले, आदिनाथ सावंत,लक्ष्मण सावंत,अर्चना सावंत,निलेश सावंत, अशोक घिगे,चंद्रभागा साळुंखे,संगिता घिगे,शांता सावंत, रोहित सावंत, धनसिंग सावंत,गजानन सावंत,बेबी साळुंखे, प्रल्हाद सावंत,पोपट साळुंखे, मिथुन बर्गे,रविंद्र घिगे आणि ग्रामस्थ उपस्थित होते.