Good News for Pune: Pune Metro चा विस्तार होणार, केंद्राची मंजुरी

रामवाडी ते वाघोली आणि वनाज ते चांदणी चौक विस्तार

३६२६.२४ कोटीच्या कामाला हिरवा कंदील

Pune सातत्याने वाहतुकीच्या समस्याचा सामना करण्याऱ्या पुण्याला metro प्रकल्पामुळे वाहतुकीचा नवा पर्याय मिळाला आता या Pune Metro च्या विस्तारीकरणाला आज केंद्राने मंजुरी दिली असून यामुळे पुणेकरांची वाहतुकीची कोंडीतुन दिलासा मिळणार असून Metro चे जाळे अधिक विस्तारणार आहे.

Pune Metro पुणे मेट्रोच्या फेज २ विस्ताराला केंद्र सरकारने आज पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत मंजुरी मिळाली असून या टप्प्यात एकूण १३ नवीन मेट्रो स्थानकांचा समावेश आहे, जो या प्रकल्पातील सर्वात महत्त्वाचा टप्पा ठरणार आहे. वनाज ते चांदणी चौक आणि रामवाडी ते वाघोली या दोन विस्तारीत मार्गिकांमुळे पुणे शहराच्या पूर्व-पश्चिम भागांमध्ये कनेक्टिव्हिटी अधिक मजबूत होणार आहे. एकूण १२.७५ किमी अंतरावर ही १३ स्थानके उभारण्यात येणार असून, पुणेकर तसेच पिंपरी-चिंचवडकरांचा प्रवास आणखी सुलभ, वेगवान आणि पर्यावरणपूरक होणार आहे. शहराच्या वाढत्या गरजांची पूर्तता करणारा हा विस्तार हा पुणे मेट्रोच्या प्रगतीचा आणखी एक महत्वाचा टप्पा ठरणार आहे.

अशी विस्तारणार Pune Metro

पुणे मेट्रो रेल प्रकल्पाचा टप्पा-२: वनाझ ते चांदणी चौक (कॉरिडॉर २अ) आणि रामवाडी ते वाघोली/विठ्ठलवाडी (कॉरिडॉर २ब) याला मंत्रिमंडळाची मान्यता, विद्यमान पुणे मेट्रो टप्पा-१ (कॉरिडॉर २अ) चा विस्तार

३६२६.२४ कोटींचा खर्च आणि १३ स्थानके

पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने पुणे मेट्रो रेल प्रकल्पाचा टप्पा-२: वनाझ ते चांदणी चौक (कॉरिडॉर २अ) आणि रामवाडी ते वाघोली/विठ्ठलवाडी (कॉरिडॉर २ब) याला मंजुरी दिली आहे, जो फेज-१ अंतर्गत विद्यमान वनाझ-रामवाडी कॉरिडॉरचा विस्तार आहे. हे दोन उन्नत कॉरिडॉर १२.७५ किमी लांबीचे असतील आणि त्यात १३ स्थानके असतील, जी चांदणी चौक, बावधन, कोथरूड, खराडी आणि वाघोली यासारख्या वेगाने विकसित होणाऱ्या उपनगरांना जोडतील. हा प्रकल्प चार वर्षांत पूर्ण करण्याचे नियोजन आहे. अंदाजे प्रकल्प खर्च ३६२६.२४ कोटी रुपये आहे, जो भारत सरकार, महाराष्ट्र सरकार आणि बाह्य द्विपक्षीय/बहुपक्षीय एजन्सींनी समान प्रमाणात वाटून घेणार आहेत. या कॉरिडॉर-२ चा विस्तार मोहिमेमुळे pune शहरांची वाहतूक व दळणवळण अधिक गतिशील होणार आहे, ज्यामध्ये पुण्यातील पूर्व-पश्चिम सार्वजनिक वाहतूक मजबूत करण्यासाठी चांदणी चौक ते वाघोली मेट्रो कॉरिडॉरची मदत होणार आहे.

PUNE Metro ची कनेक्टि्वीटी वाढणार

हे विस्तार प्रमुख आयटी हब, व्यावसायिक क्षेत्रे, शैक्षणिक संस्था आणि निवासी क्षेत्रांना सेवा देतील, ज्यामुळे सार्वजनिक वाहतूक आणि नेटवर्कमधील प्रवाशांचा वाटा वाढेल. नवीन कॉरिडॉर जिल्हा न्यायालय इंटरचेंज स्टेशनवर लाईन-१ (निगडी-कात्रज) आणि लाईन-३ (हिंजवडी-जिल्हा न्यायालय) सह एकत्रित केले जातील जेणेकरून निर्बाध बहुआयामी शहरी प्रवास शक्य होईल.

दीर्घकालीन गतिशीलता नियोजनांतर्गत, मुंबई आणि बेंगळुरू सारख्या शहरांमधून आंतरशहर बस सेवा चांदणी चौक येथे एकत्रित केल्या जातील, तर अहिल्या नगर आणि छत्रपती संभाजी नगर येथून येणाऱ्या बस सेवा वाघोली येथे जोडल्या जातील, ज्यामुळे प्रवाशांना पुण्याच्या मेट्रो सिस्टममध्ये सहज प्रवेश मिळेल. या विस्तारांमुळे पौड रोड आणि नगर रोड सारख्या प्रमुख मार्गांवर गर्दी कमी होण्यास मदत होईल, ज्यामुळे सुरक्षित, जलद आणि पर्यावरणपूरक वाहतूक पर्याय उपलब्ध होतील.

हे कॉरिडॉर पूर्ण झाल्यानंतर, संपूर्ण लाईन २ साठी २०२७ मध्ये ०.९६ लाख, २०३७ मध्ये २.०१ लाख, २०४७ मध्ये २.८७ लाख आणि २०५७ मध्ये ३.४९ लाख दररोज प्रवासी संख्येत वाढ होण्याचा अंदाज आहे. हा प्रकल्प महाराष्ट्र मेट्रो रेल कॉर्पोरेशन लिमिटेड (महा-मेट्रो) द्वारे राबविला जाईल, जो सर्व सिव्हिल, इलेक्ट्रो-मेकॅनिकल आणि संबंधित कामे करेल. स्थलाकृतिक सर्वेक्षण आणि तपशीलवार डिझाइन सल्लागार यासारख्या बांधकामपूर्व क्रियाकलाप आधीच सुरू झाले आहेत.